Այսօր արդեն յոթերորդ օրն է։ Օրերը շատ արագ են անցնում և ես չեմ ուզում, որ ճամբարային օրերը շուտ անցնեն։ Այսօր ցավոք այդքան շատ ժամանակ չեմ կարողացել անցկացնել իմ ջոկատում, որովհետև պարապում էինք վաղվա ժամերգության համար։ Այսօր ես շատ հոգնեցի, և ջոկատի մասին պատմելու ոչինչ չունեմ։🤷‍♀️🤷‍♀️🤷‍♀️

<<Ջոկատ անիվներ վրա>> ջոկատում արդեն վեցերորդ օրն է։ Մենք առավոտյան գնացինք ընտրության գործունեության, իսկ հետո ջոկատի մի քանի երեխաներով ընկեր Գոհարի հետ գնացինք վերնատուն և տնկեցինք ծաղիկներ։ Իսկ հետո ձորեքշաբթի օրվա ժամերգության փորձ արեցինք։ Եվ հանգստացանք։ Այսպես անցկացրեցինք մեր ճամբարային վեցերորդ օրը։😉😉😉

Այսօր <<Ջոկատ անիվների վրա>> ջոկատում չորրորդ օրն է։ Այսօր մեր ջոկատ էր եկել ընկեր Արմինեն, հայրենագիտության դասատուն։ Նա մեզ պատմեց մեղուների մասին մենք շատ հետաքրքիր փաստեր իմացանք մեղուների մասին։ Հետո ավագ դպրոցից եկած սովորողները մեզ սովորեցրեցին հայկական ազգային պարերը, Սովորող- սովորեցնող. Ավագ դպրոցի սաները – YouTube։ Հետո մենք մեր ջոկատավարի հետ խաղացինք տարբեր խաղեր։ Այսօր շատ հետաքրքիր օր էր, և ես կուզեմ, որ այսպիսի օրեր շատ լինի։ 😊

Այսօր <<Ջոկատ անիվների վրա>> ջոկատում երրորդ օրն է։ Առավոտյան մենք գնացինք ընտրության գործունեության։ Հետո գնացինք մեր ջոկատ, և գծագրեցինք այն քաղաքը, որ պատրաստելու ենք լեգոից, և սկսեցինք պատրաստել։ Պատրաստելուց հետո մենք ընդմիջեցինք և մեր ջոկատի երեխաներով մի քիչ խաղացինք։ Այսօր այսքանը։

Այսօր իմ առաջին օրն էր << Ջոկատ անիվների վրա>> ջոկատում։ Մենք առաջին և երկրորդ ժամը անցկացրեցինք ընտրության գործունեությունում, իսկ հետո ընկեր Իվետայի և ընկեր Գայանեի հետ գնացինք սահադաշտ մեր ջոկատով։ Սկզբում ես շատ էի վախենում, բայց հետո երբ մարզիչների հետ քշեցի սկսեցի ավելի քիչ վախենալ։ Ճիշտ է, ես չսովորեցի քշել և ամբողջովին չհաղթահարեցի վախս, բայց լավ ճամփորդություն էր, ուղղակի ինձ համար մի քիչ անհետաքրքիր, որովհետև ես միայնակ չէի կարողանում հանգիստ և առանց վախ քշել, բայց միևնույն է, շնորհակալ եմ այսպիսի հնարավորության համար։

Այսօր երկրորդ օրն է <<Անիվների վրա>> ջոկատում։ Առավոտյան մենք ընդհանուր պարապունք արեցին բոլոր ջոկատներով։ Հետո մեզ մոտ եկան ավագ դպրոցի սովորողները և պատմեցին մեր ազգային խաղերի մասին։ Երբ այդ դասը ավարտվեց, մենք ընդմիջեցինք և գնացինք հյուսիսային դպրոց։ Այնտեղ սովորեցինք ազգագրական մի քանի պար, դա շատ ինձ դուր եկավ։ Իսկ հետո մենք գնացինք մեր դասարան և ջոկատի երեխաներով խաղացինք տարբեր խաղեր։ Իսկ ամենավերջում ես ընկերներիս հետ միասին պատրաստեցի լեգո քաղաք, ապագայի մի այգի, որը կոչեցինք արձանների այգի։

Իմ և ընկերներիս պատրաստած լեգո քաղաքը – YouTube

Այսօրը ինձ շատ դուր եկավ։😊😊😊